Fosshótel Húsavík

Stílhrein og glæsileg herbergi bíða þín í hvalaskoðunarparadísinni á Húsavík.

Við trúum því að ferðafólk eigi skilið það allra besta, hvar sem þau eru. Þrátt fyrir að 500 km skilji að Reykjavík og Húsavík er hvergi sparað þegar kemur að gæðum á Fosshótel Húsavík. Herbergin eru rúmgóð og falleg en öllum herbergjum fylgja ókeypis bílastæði, gervihnattarsjónvarp, lítill ísskápur, þráðlaust net og meira.

Fallega innréttaður veitingastaður sem býður upp á fjölbreyttan matseðil, unninn að mestu úr hráefni úr héraði.

Veitingastaðurinn á Fosshótel Húsavík hefur fest sig í sessi sem einn af betri veitingahúsum Norðurlands. Staðurinn var endurhannaður árið 2017 og skartar nú fallegum nútímalegum stíl innblásinn af hafinu. Salurinn hentar vel fyrir hópa sem og einstaklinga en meðal rétta sem boðið er upp á eru humarsúpa, hreindýraborgari, nautalund og gómsætar pizzur.

Frábær aðstaða á stærsta ráðstefnuhóteli Norðurlands

Fosshótel Húsavík býður upp á 6 ráðstefnu- og fundarsali sem rúma allt að 350 manns í standandi móttöku. Salirnir eru vel útbúnir með öllum helstu tækjum og tólum sem þörf er á í nútíma viðburðarhaldi. Stærsti salurinn, Skjálfandi, skartar skemmtilegri LED lýsingu sem auðveldlega er hægt að stilla í takt við yfirbragð viðburðarins.

Húsavík er líflegur bær sem býður upp á fyrsta flokks hvalaskoðun, sjóböð, náttúrufegurð og margt fleira.

Það er meira en nóg af afþreyingu í þessum fallega og skemmtilega bæ. Bærinn stendur við Skjálfandaflóa sem er þekktur fyrir fjölbreytt lífríki en þar má finna mikinn fjölda hvaltegunda en Húsvíkingar hafa getið sér gott orð í hvalaskoðun. Einn vinsælasti áfangastaður ferðamanna eru GeoSea sjóböðin en þar geta gestir notið náttúrunnar á einstakan hátt.